12.
Vacchagottasaṃyuttavaṇṇanā
607-661.
Aññāṇāti aññāṇahetu, saccapaṭicchādakasammohahetūti attho.
Aṭṭhakathāyaṃ pana imameva atthaṃ hetuatthena karaṇavacanena dassetuṃ ‘‘aññāṇenā’’ti vuttaṃ.
Sabbānīti ‘‘aññāṇā adassanā anabhisamayā’’tiādīni padāni ekādasasu suttesu āgatāni, pañcapaññāsa veyyākaraṇāni vuttāni suttesu pañcannaṃ khandhānaṃ vasena veyyākaraṇassa āgatattā.
Vacchagottasaṃyuttavaṇṇanā niṭṭhitā.