4.
Vijayāsuttaṃ
165.
Sāvatthinidānaṃ.
Atha kho vijayā bhikkhunī pubbaṇhasamayaṃ nivāsetvā...pe...
aññatarasmiṃ rukkhamūle divāvihāraṃ nisīdi.
Atha kho māro pāpimā vijayāya bhikkhuniyā bhayaṃ chambhitattaṃ lomahaṃsaṃ uppādetukāmo samādhimhā cāvetukāmo yena vijayā bhikkhunī tenupasaṅkami;
upasaṅkamitvā vijayaṃ bhikkhuniṃ gāthāya ajjhabhāsi -
Pañcaṅgikena turiyena, ehayyebhiramāmase’’ti.
Atha kho vijayāya bhikkhuniyā etadahosi - ‘‘ko nu khvāyaṃ manusso vā amanusso vā gāthaṃ bhāsatī’’ti? Atha kho vijayāya bhikkhuniyā etadahosi - ‘‘māro kho ayaṃ pāpimā mama bhayaṃ chambhitattaṃ lomahaṃsaṃ uppādetukāmo samādhimhā cāvetukāmo gāthaṃ bhāsatī’’ti. Atha kho vijayā bhikkhunī ‘‘māro ayaṃ pāpimā’’ iti viditvā māraṃ pāpimantaṃ gāthāhi paccabhāsi -
Niyyātayāmi tuyheva, māra nāhaṃ tenatthikā.
Aṭṭīyāmi harāyāmi, kāmataṇhā samūhatā.
Yā ca santā samāpatti, sabbattha vihato tamo’’ti.
Atha kho māro pāpimā ‘‘jānāti maṃ vijayā bhikkhunī’’ti dukkhī dummano tatthevantaradhāyīti.