2.
Dukanipāto
1.
Abhirūpanandātherīgāthā
19.
Asubhāya cittaṃ bhāvehi, ekaggaṃ susamāhitaṃ.
20.
Tato mānābhisamayā, upasantā carissasī’’ti.
Itthaṃ sudaṃ bhagavā abhirūpanandaṃ sikkhamānaṃ imāhi gāthāhi abhiṇhaṃ ovadatīti.
2.
Jentātherīgāthā
21.
Bhāvitā te mayā sabbe, yathā buddhena desitā.
22.
Vikkhīṇo jātisaṃsāro, natthi dāni punabbhavo’’ti.
Itthaṃ sudaṃ jentā therī gāthāyo abhāsitthāti.
3.
Sumaṅgalamātātherīgāthā
23.
Ahiriko me chattakaṃ vāpi, ukkhalikā me deḍḍubhaṃ vāti.
24.
Sā rukkhamūlamupagamma, aho sukhanti sukhato jhāyāmī’’ti.
... Sumaṅgalamātā therī.
4.
Aḍḍhakāsitherīgāthā
25.
Taṃ katvā negamo agghaṃ, aḍḍhenagghaṃ ṭhapesi maṃ.
26.
Mā puna jātisaṃsāraṃ, sandhāveyyaṃ punappunaṃ;
Tisso vijjā sacchikatā, kataṃ buddhassa sāsana’’nti.
... Aḍḍhakāsi therī...
5.
Cittātherīgāthā
27.
Daṇḍamolubbha gacchāmi, pabbataṃ abhirūhiya.
28.
Sele khambhesimattānaṃ, tamokhandhaṃ padāliyā’’ti.
... Cittā therī...
6.
Mettikātherīgāthā
29.
Daṇḍamolubbha gacchāmi, pabbataṃ abhirūhiya.
30.
Nisinnā camhi selamhi, atha cittaṃ vimucci me;
Tisso vijjā anuppattā, kataṃ buddhassa sāsana’’nti.
... Mettikā therī...
7.
Mittātherīgāthā
31.
Pāṭihāriyapakkhañca, aṭṭhaṅgasusamāgataṃ.
32.
Sājja ekena bhattena, muṇḍā saṅghāṭipārutā;
Devakāyaṃ na patthehaṃ, vineyya hadaye dara’’nti.
... Mittā therī...
8.
Abhayamātutherīgāthā
33.
Paccavekkhassumaṃ kāyaṃ, asuciṃ pūtigandhikaṃ.
34.
Pariḷāho samucchinno, sītibhūtāmhi nibbutā’’ti.
... Abhayamātu therī...
9.
Abhayātherīgāthā
35.
Nikkhipissāmimaṃ dehaṃ, sampajānā satīmatī.
36.
Taṇhakkhayo anuppatto, kataṃ buddhassa sāsana’’nti.
... Abhayā therī...
10.
Sāmātherīgāthā
37.
Aladdhā cetaso santiṃ, citte avasavattinī;
Tassā me aṭṭhamī ratti, yato taṇhā samūhatā.
38.
Taṇhakkhayo anuppatto, kataṃ buddhassa sāsana’’nti.
... Sāmā therī...
Dukanipāto niṭṭhito.