Namo tassa bhagavato arahato sammāsambuddhassa
Khuddakanikāye
Dhammapadapāḷi
1.
Yamakavaggo
1.
Manasā ce paduṭṭhena, bhāsati vā karoti vā;
Tato naṃ dukkhamanveti, cakkaṃva vahato padaṃ.
2.
Manasā ce pasannena, bhāsati vā karoti vā;
Tato naṃ sukhamanveti, chāyāva anapāyinī.
3.
Ye ca taṃ upanayhanti, veraṃ tesaṃ na sammati.
4.
Ye ca taṃ nupanayhanti, veraṃ tesūpasammati.
5.
Averena ca sammanti, esa dhammo sanantano.
6.
Ye ca tattha vijānanti, tato sammanti medhagā.
7.
Bhojanamhi cāmattaññuṃ, kusītaṃ hīnavīriyaṃ;
Taṃ ve pasahati māro, vāto rukkhaṃva dubbalaṃ.
8.
Bhojanamhi ca mattaññuṃ, saddhaṃ āraddhavīriyaṃ;
Taṃ ve nappasahati māro, vāto selaṃva pabbataṃ.
9.
Apeto damasaccena, na so kāsāvamarahati.
10.
Upeto damasaccena, sa ve kāsāvamarahati.
11.
Te sāraṃ nādhigacchanti, micchāsaṅkappagocarā.
12.
Te sāraṃ adhigacchanti, sammāsaṅkappagocarā.
13.
Evaṃ abhāvitaṃ cittaṃ, rāgo samativijjhati.
14.
Evaṃ subhāvitaṃ cittaṃ, rāgo na samativijjhati.
15.
So socati so vihaññati, disvā kammakiliṭṭhamattano.
16.
So modati so pamodati, disvā kammavisuddhimattano.
17.
‘‘Pāpaṃ me kata’’nti tappati, bhiyyo tappati duggatiṃ gato.
18.
‘‘Puññaṃ me kata’’nti nandati, bhiyyo nandati suggatiṃ gato.
19.
Gopova gāvo gaṇayaṃ paresaṃ, na bhāgavā sāmaññassa hoti.
20.
Rāgañca dosañca pahāya mohaṃ, sammappajāno suvimuttacitto;
Anupādiyāno idha vā huraṃ vā, sa bhāgavā sāmaññassa hoti.
Yamakavaggo paṭhamo niṭṭhito.