10.
Mahāsālaputtasuttaṃ
40.
‘‘Himavantaṃ, bhikkhave, pabbatarājaṃ nissāya mahāsālā pañcahi vaḍḍhīhi vaḍḍhanti.
Katamāhi pañcahi?
Sākhāpattapalāsena vaḍḍhanti;
tacena vaḍḍhanti;
papaṭikāya vaḍḍhanti;
pheggunā vaḍḍhanti;
sārena vaḍḍhanti.
Himavantaṃ, bhikkhave, pabbatarājaṃ nissāya mahāsālā imāhi pañcahi vaḍḍhīhi vaḍḍhanti.
Evamevaṃ kho, bhikkhave, saddhaṃ kulaputtaṃ nissāya antojano pañcahi vaḍḍhīhi vaḍḍhati.
Katamāhi pañcahi?
Saddhāya vaḍḍhati;
sīlena vaḍḍhati;
sutena vaḍḍhati;
cāgena vaḍḍhati;
paññāya vaḍḍhati.
Saddhaṃ, bhikkhave, kulaputtaṃ nissāya antojano imāhi pañcahi vaḍḍhīhi vaḍḍhatī’’ti.
Taṃ rukkhā upanissāya, vaḍḍhante te vanappatī.
Upanissāya vaḍḍhanti, puttadārā ca bandhavā;
Amaccā ñātisaṅghā ca, ye cassa anujīvino.
Passamānānukubbanti, ye bhavanti vicakkhaṇā.
Nandino devalokasmiṃ, modanti kāmakāmino’’ti. dasamaṃ;