7.
Punabbasusuttaṃ
241.
Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme.
Tena kho pana samayena bhagavā bhikkhū nibbānapaṭisaṃyuttāya dhammiyā kathāya sandasseti samādapeti samuttejeti sampahaṃseti.
Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti.
Atha kho punabbasumātā yakkhinī puttake evaṃ tosesi -
Yāvāhaṃ buddhaseṭṭhassa, dhammaṃ sossāmi satthuno.
Ativelā ca me hoti, asmiṃ dhamme piyāyanā.
Tato piyatarā mayhaṃ, assa dhammassa magganā.
Yathā saddhammassavanaṃ, dukkhā moceti pāṇinaṃ.
Jarāmaraṇamokkhāya, yaṃ dhammaṃ abhisambudhaṃ;
Taṃ dhammaṃ sotumicchāmi, tuṇhī hohi punabbasū’’ti.
Dhammameva nisāmehi, saddhammassavanaṃ sukhaṃ;
Saddhammassa anaññāya, ammā dukkhaṃ carāmase.
Buddho antimasārīro, dhammaṃ deseti cakkhumā’’ti.
Putto me buddhaseṭṭhassa, dhammaṃ suddhaṃ piyāyati.
Diṭṭhāni ariyasaccāni, uttarāpi suṇātu me’’ti.