8.
Gahaṭṭhavandanāsuttaṃ
264.
Sāvatthiyaṃ.
Tatra...pe...
etadavoca -
‘‘bhūtapubbaṃ, bhikkhave, sakko devānamindo mātaliṃ saṅgāhakaṃ āmantesi -
‘yojehi, samma mātali, sahassayuttaṃ ājaññarathaṃ.
Uyyānabhūmiṃ gacchāma subhūmiṃ dassanāyā’ti.
‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ yojetvā sakkassa devānamindassa paṭivedesi -
‘yutto kho te, mārisa, sahassayutto ājaññaratho.
Yassa dāni kālaṃ maññasī’’’ti.
Atha kho, bhikkhave, sakko devānamindo vejayantapāsādā orohanto añjaliṃ katvā sudaṃ puthuddisā namassati.
Atha kho, bhikkhave, mātali saṅgāhako sakkaṃ devānamindaṃ gāthāya ajjhabhāsi -
Cattāro ca mahārājā, tidasā ca yasassino;
Atha ko nāma so yakkho, yaṃ tvaṃ sakka namassasī’’ti.
Cattāro ca mahārājā, tidasā ca yasassino.
Sammāpabbajite vande, brahmacariyaparāyane.
Dhammena dāraṃ posenti, te namassāmi mātalī’’ti.
Ahampi te namassāmi, ye namassasi vāsavā’’ti.
Puthuddisā namassitvā, pamukho rathamāruhī’’ti.