12.
Nirodhadhammasuttaṃ
181.
Sāvatthinidānaṃ.
Ekamantaṃ nisinno kho āyasmā rādho bhagavantaṃ etadavoca -
‘‘‘nirodhadhammo, nirodhadhammo’ti, bhante, vuccati.
Katamo nu kho, bhante, nirodhadhammo’’ti?
‘‘Rūpaṃ kho, rādha, nirodhadhammo, vedanā nirodhadhammo, saññā nirodhadhammo, saṅkhārā nirodhadhammo, viññāṇaṃ nirodhadhammo.
Evaṃ passaṃ...pe...
nāparaṃ itthattāyāti pajānātī’’ti.
Dvādasamaṃ.