12.
Nirodhadhammasuttaṃ
205.
Sāvatthinidānaṃ.
Ekamantaṃ nisinnaṃ kho āyasmantaṃ rādhaṃ bhagavā etadavoca -
‘‘yo kho, rādha, nirodhadhammo;
tatra te chando pahātabbo, rāgo pahātabbo, chandarāgo pahātabbo.
Ko ca, rādha, nirodhadhammo?
Rūpaṃ kho, rādha, nirodhadhammo;
tatra te chando pahātabbo, rāgo pahātabbo, chandarāgo pahātabbo.
Vedanā...pe...
saññā...pe...
saṅkhārā...pe...
viññāṇaṃ nirodhadhammo;
tatra te chando pahātabbo, rāgo pahātabbo, chandarāgo pahātabbo.
Yo kho, rādha, nirodhadhammo;
tatra te chando pahātabbo, rāgo pahātabbo, chandarāgo pahātabbo’’ti.