12.
Āḷavakasuttaṃ
246.
Evaṃ me sutaṃ -
ekaṃ samayaṃ bhagavā āḷaviyaṃ viharati āḷavakassa yakkhassa bhavane.
Atha kho āḷavako yakkho yena bhagavā tenupasaṅkami;
upasaṅkamitvā bhagavantaṃ etadavoca -
‘‘nikkhama, samaṇā’’ti.
‘‘Sādhāvuso’’ti bhagavā nikkhami.
‘‘Pavisa, samaṇā’’ti.
‘‘Sādhāvuso’’ti bhagavā pāvisi.
Dutiyampi kho āḷavako yakkho bhagavantaṃ etadavoca -
‘‘nikkhama, samaṇā’’ti.
‘‘Sādhāvuso’’ti bhagavā nikkhami.
‘‘Pavisa, samaṇā’’ti.
‘‘Sādhāvuso’’ti bhagavā pāvisi.
Tatiyampi kho āḷavako yakkho bhagavantaṃ etadavoca -
‘‘nikkhama, samaṇā’’ti.
‘‘Sādhāvuso’’ti bhagavā nikkhami.
‘‘Pavisa, samaṇā’’ti.
‘‘Sādhāvuso’’ti bhagavā pāvisi.
Catutthampi kho āḷavako yakkho bhagavantaṃ etadavoca -
‘‘nikkhama, samaṇā’’ti.
‘‘Na khvāhaṃ taṃ, āvuso, nikkhamissāmi.
Yaṃ te karaṇīyaṃ taṃ karohī’’ti.
‘‘Pañhaṃ taṃ, samaṇa, pucchissāmi.
Sace me na byākarissasi, cittaṃ vā te khipissāmi, hadayaṃ vā te phālessāmi, pādesu vā gahetvā pāragaṅgāya khipissāmī’’ti.
‘‘Na khvāhaṃ taṃ, āvuso, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, ye me cittaṃ vā khipeyya hadayaṃ vā phāleyya, pādesu vā gahetvā pāragaṅgāya khipeyya.
Api ca tvaṃ, āvuso, puccha yadā kaṅkhasī’’ti.
Kiṃsu have sādutaraṃ rasānaṃ, kathaṃjīviṃ jīvitamāhu seṭṭha’’nti.
Saccaṃ have sādutaraṃ rasānaṃ, paññājīviṃ jīvitamāhu seṭṭha’’nti.
Kathaṃsu dukkhamacceti, kathaṃsu parisujjhatī’’ti.
Vīriyena dukkhamacceti, paññāya parisujjhatī’’ti.
Kathaṃsu kittiṃ pappoti, kathaṃ mittāni ganthati;
Asmā lokā paraṃ lokaṃ, kathaṃ pecca na socatī’’ti.
Sussūsaṃ labhate paññaṃ, appamatto vicakkhaṇo.
Saccena kittiṃ pappoti, dadaṃ mittāni ganthati;
Asmā lokā paraṃ lokaṃ, evaṃ pecca na socati.
Saccaṃ dammo dhiti cāgo, sa ve pecca na socati.
Yadi saccā dammā cāgā, khantyā bhiyyodha vijjatī’’ti.
Yohaṃ ajja pajānāmi, yo attho samparāyiko.
Yohaṃ ajja pajānāmi, yattha dinnaṃ mahapphalaṃ.
Namassamāno sambuddhaṃ, dhammassa ca sudhammata’’nti.